Zentrua
AURKEZPENA
Karrantza BHI, Derrigorrezko Bigarren Hezkuntza Institutua da, eta erabakigarria da ondorengo ikasketak egiteko, hala nola batxilergoa eta lanbide-heziketa. Helburu nagusia ikasle guztien eskola-arrakasta bermatzea da.
Eskola-arrakasta ezin da bakarka lortu; etengabeko lankidetza eta ikastetxeko langileen eta familien arteko elkarrizketa behar dira.
Familien lankidetza hainbat modutara eskatzen da: tutoreekin komunikazioa mantenduz, prestakuntza-jarduerak iradokiz, ikastetxeko langileen lana baloratuz eta eskola-jardueretan parte hartuz.
Beste barik, jakin ezazue, hemen lan egiten dugun guztiok zuen seme-alaben heziketa osoa lortzeko erronka horretan lan egiteko prest gaudela zuekin batera.
Ongi etorriak 2024-2025 ikasturtera!
ATALAK
DERRIGORREZKO BIGARREN HEZKUNTZA
Zeintzuk dira ikasketa hauen helburuak?
DBHren helburua ikasle guztiei kulturaren oinarrizko elementuak ematea, beraien eskubideak erabili eta eginbeharrak betetzea eta lan munduan, Lanbide Heziketan edo Batxilergoan sartzeko prestatzen dira.
Zein titulazio ematen zaie?
Etapa honetako irakasgai guztiak gainditzen dituztenak Derrigorrezko Bigarren Hezkuntzako Graduatu-titulua lortuko dute. Era berean, laugarren mailako irakasgai baten edo bitan ebaluazio negatiboa izan dutenek ere titulu hori lortu ahal izango dute, eta salbuespen gisa, baita hiru ebaluazio negatibo izan dituztenek ere, baldin eta irakasleek uste badute irakasgai horiek ez dietela ikasleei etapako oinarrizko gaitasunez eta helburuez jabetzeko oztoporik jarri.
Titulu horren bitartez, batxilergoan eta erdi mailako Lanbide Heziketan sar daitezke.
Zein hautabide dituzte DBH amaitzean?
A) Bigarren Hizkuntzako Graduatu Titulua bereganatzen duten ikasleek honako hau ikasten jarraitzerik izango dute:
Batxilergoa: bi maila, ikasleei heziketa orokorra ematen zaie Unibertsitatera bideratzeko zein Goi Mailako Zikloak ( Lanbide Heziketa ikasketak ) egiteko prestatuko dituena.
Erdi mailako Heziketa zikloa: Iraupen aldakorreko mailak, berariazko lanbide heziketa helburu dutenak eremu profesionaletan.
B) DBH gainditzen ez duten ikasleek honako honetan segi dezakete:
Oinarrizko Lanbide Heziketa:
15 urtetik gora,eta aldi berean Derrigorrezko Bigarren Hezkuntzako bigarren maila eginda daukaten Ikasleei oinarrizko prestakuntza profesionala eman nahi zaie, lan munduan hasteko edo Erdi Mailako Heziketa Zikloen ikasketak segitzeko gauza izan daitezen. Programa hauek DBHko titulua lortzeko Aukera ematen dute.