ZUZENDARITZA PROIEKTUA

2024-2028 tartean, IES Karrantza BHIk zuzendaritza-proiektua izango du, Institutuaren ildo estrategikoak eta lehentasunak finkatzeko eta datozen lau ikasturteetan dituen beharrei erantzuteko. Horregatik, garrantzitsua iruditzen zaigu hezkuntza-komunitateak zuzendaritza-proiektu hau gidatzen duen filosofia ezagutzea, bai eta proiektu horrek datozen lau urteetarako ezartzen dituen lehentasunak ere.

Ikasle guztiek beraien konpetentzien garapen maximoa lortzea da zuzendaritza proiektuaren lehentasun gorena. Xede hau burutzeko arrakastarako ezinbestekoak diren 4 aldetatik jorratuko da zuzendaritza-proiektuaren plangintza eta eskuhartzea:

• Bi dira, gure ustez, ikaslearen arrakasta akademikoa gauzatzeko oinarriak. Lehenengo oinarria irakasleria eskolara pozik etortzea da. Ikasleak eskola leku segurua dela sentitzea bermatu behar dugu irakasleok, elkarbizitzaz arduratuta eta konprometituta gaudela eta ikasleekiko jarrera hurbila dugula erakutsiz. Euren berdinekin elkarbizitzeko lehen mailako lekua dugu eskola eta bertan ere ikasi eta praktikatuko dute etorkizunean izango diren pertsonen jarrerak eta balioak.  Horregaitik, ikastetxerako eragile guztien parteahartzea eta konpromisoa ekarriko duen elkarbizitza plan bat adostea, diseinatzea eta abian jartzea dugu lehentasuna. Ikasle bakoitzaren ongizatea da gure ardura, ongizate emozionala barne, eta horretara zuzenduko dugu gure ekintza.  

• Arrakasta akademikoaren bigarren osagarri nagusi bezala alderdi pedagogikoak aipatuko dira. Arlo honetan ezinbestekoa dugu ikuspegi pedagogiko, curricularra eta metodologikoa bateratuko duen Ikastetxeko Hezkuntza proiektua adostea, osatzea eta sendotzea. Era berean, ikasleen konpetentzien garapena neurtzeko ebaluazio hezitzailean sakontzen jarraitzea eta emaitza akademikoak era sistematikoan ebaluatzeko eta hobetzeko baliabideak sortu eta ezartzea du helburu.

• Hezkuntza-helburu bat bera ere ez litzateke lortutzat jo behar, ikasle guztientzat lortu ez bada. Horregatik, sarbide, parte-hartze, ahalmen, egoera sozial-ekonomiko-emozional edo ikaskuntzaren emaitzetan dauden desberdintasunei erantzun egokia eman behar diegu, inklusio eta aniztasunaren tratamenduaren plangintza eta eskuhartze eraginkorra burutuz. Horretarako ikasleen norbanakako orientazioa eta tutoretza ahalbidetzen dituen erremintak garatzeko konpromezua hartzen dugu zuzendaritza taldeak eta irakasleriak.

• Laugarren ardatz bezala hezkuntza-komunitate osoaren motibazioa eta espektatibak goian eustea izango litzateke, bereziki ikasleriarena. Horretarako lidergo partekatua txertatuko da plano ezberdinetan, erantzunkizunak bananduz, hezkuntza komunitatea osatzen dugun pertsonen arteko ezagutza eta komunikazioa ahalbidetuz, horrela konfiantzazko harremanak sortuz eta pertenentzia sentimendua eta inplikazioa bultzatuz.

Aurretik aipatutakoa ahalbidetzen eta osatzen dituen funtsezkoak diren alderdiei erreparatuz, zuzendaritza proiektuak beste lehentasun batzuk ere jasoko ditu, esta baterako formakuntza, hezkidetza, Euskal kulturaren sustaketa, … 

Jarraian Zuzendaritza Proiektu osoa kontsulta dezakezue.